Analar ÜÇÜN »


Hamiləlik dermatozları – sadəcə hamiləliklə əlaqədar olaraq ortaya çıxan dəri xəstəlikləridir. Bunlar əsas 4 qrupa bölünür:
1. Hamiləliyin intrahepatik xolestazı;
2. Hamiləliyin atopik səpgisi;
3. Hamiləliyin polimorf səpgisi;
4. Pemfigoid gestasyones.

Hamiləliyin intrahepatik xolestazı 30 həftədən sonra ortaya çıxır. Dəridə gözlə görünən heç bir şey yoxdur. Şiddətli qaşınma və qaşımaya bağlı dəyişikliklər, ekskoriasiyalar (sıyrıntı) görülür. Qaşıntı ovuc içi və ayaq altından başlayıb ətraflara, oradan da gövdəyə yayılır. Gecələr artır. Bu xəstələrin 10%-də sarılıq da ortaya çıxır.

Hamiləlik xolestazı şübhəsi olduqda qanda öd turşusu duzları, qaracıyərin funksional testləri, bilirubinlər baxılmalıdır. Fetusa (döl) üzərinə arzuolunmaz təsirləri ola bilər.

Daha sonrakı hamiləliklərdə də təkrar edə bilər.

Hamiləliyin atopik səpgisi – özündə və ya ailəsində atopi hekayəsi olanlarda, ikinci trimestrdə ortaya çıxır. Ən çox görülən hamiləlik dermatozudur. Ekzematoz və papuler tipi var. Dəri quruluğu, qaşıntı, total IgE yüksəkliyi görülür. Fetus üzərinə risk yoxdur. Sonrakı hamiləliklərdə təkrar edə bilər. Müalicəyə tez cavab verir.

... Ardını oxu »
Böımə: Uzm. Dr. LALƏ MEHDİ | Baxış Sayı: 3987 | Əlavə edib: DrELM | Tarix: 2017.07.26 | Şərhlər (0)

İmpetiqo nədir?

Dərinin səthi, çox yoluxucu infeksiyon mənşəli xəstəliyidir. Stafilokoklar və streptokoklar tərəfindən törədilir. Sağlam dəridən bu bakteriyalar keçə bilmir. Əgər dərinin tamlığı pozulsa, hər hansı bir sıyrıq, cızıq və ya dəri tamlığını pozan hər hansı bir dəri xəstəliyi olsa (məs: atopik dermatit) bakteriyalar bu xəstəliyə səbəb ola bilər. Klinik olaraq dəridə sarımtıl, axıntılı, qabıqlı yaralar görülür. Antibiyotikli məlhəmlərlə müalicə olunur. Yayılmış olduqda sistemik antibiyotikə ehtiyac ola bilər.



Verruka (ziyil) nədir?

Verruka 100-den artıq tipi olan Human Papilloma Viruslar tərəfindən torədilən bir dəri xəstəliyidir. Məktəb yaşlı uşaqlarda çox görülür. Hovuzdan, və ya məişət yolu ilə yoluxa bilər. Sərt, dəri rəngində qabarıqlıq şəklində olur. Əllərdə, dırnaq çevrəsində, selikli qişalarda (məs: ağız içi) belə yarana bilər. Yoluxucu bir xəstəlikdir. Çox zaman heç bir narahatçlılıq vermir. Ayaq altında yerləşdiyi zaman üzərinə basanda ağrı verir. Yayılmasının qarşısını almaq üçün vaxtında müalicə olunmalı, gigiyenaya fikir verməli, dırnaq yemə alışqanlığı varsa ləğv olunmalıdır. Müalicəsində müxtəlif destruksiyaedici metodlar istifadə olunur.

Moluskum nədir? ... Ardını oxu »
Böımə: Uzm. Dr. LALƏ MEHDİ | Baxış Sayı: 4379 | Əlavə edib: DrELM | Tarix: 2017.07.13 | Şərhlər (0)


Övrə çox sıx rastlanan bir xəstəlikdir. Əhalinin 15-25%-i həyatında bir dəfə də olsa övrə keçirmişdir.

Övrə qırmızı, qaşıntılı, 24-48 saat içərisində yer dəyişdirən, heç bir iz buraxmadan keçən qabarıqlıqlarla ortaya çıxan bir dəri xəstəliyidir. “Urtica” yəni, gicitkən otu (azərbaycanca tərcüməsi) sözündən götürülmüşdür. Övrə zamanı dəridə yaranan səpgi gicitkən otunun dəriyə toxunduqda əmələ gətirdiyi reaksiyaya bənzədiyindən bu ad verilmişdir. Qabarıqlıqlar bəzən birləşib bütün bədəni əhatə edə bilər. Hər yaşda ortaya çıxa bilər. 6 həftə içərisində tamamilə keçərsə kəskin, 6 həftədən artıq davam edərsə xronik övrədir. Əgər ödem dermisin dərin qatına və dərialtı toxumaya yayılarsa angioödem dediyimiz daha şiddətli bir tablo ortaya çıxır. Angioödem göz qapaqlarında, dodaqda, əllərdə şişlik şəklində görülür. Xəstəlik tənəffüs yollarına yayılarsa diqqətli olmaq və təcili yardıma müraciət etmək lazımdır.

Uşaqlarda kəskin övrənin səbəbi infeksion (daha çox viral) xəstəliklər, dərmanlar (antibiotik, qızdırmasalan, ağrıkəsici) və qidalardır (yumurta, çiyələk, süd məhsulları, balıq və s.)

Xroniki övrə müxtəlif orqanların xroniki xəstəlikləri ilə əlaqədar olaraq ortaya çıxa bilər. Xroniki övrə zamanı bir çox analizlərin veri ... Ardını oxu »
Böımə: Uzm. Dr. LALƏ MEHDİ | Baxış Sayı: 4525 | Əlavə edib: DrELM | Tarix: 2017.06.14 | Şərhlər (0)

Uşaqlarda tez-tez rast gəlinən dərinin allergik xəstəliklərindən biri atopik dermatitdir. Atopik dermatit uşaqların 10-20%-də görülən xroniki bir dəri xəstəliyidir. Əsas əlamətləri qaşıntı, təkrarlayan sulantılı-qaşıntılı qızarıqlıqlar (yaralar) və dəri quruluğudur. Dəridən başqa, alergik astma, alergik rinokonyunktivit bu xəstələrdə daha çox rastlanır.

Sulantılı yaralar körpə uşaqlarda yanaqlarda, 2 yaşdan böyük uşaqlarda qollarda və ayaqlarda, böyüklərdə dirsək çuxuru və diz arxasında yerləşir. Uşaqlarda dəridəki qaşıntı və həssaslıq yuxu pozğunluqlarına və narahatlığa gətirib çıxarır. Atada və ya anada atopik dermatit varsa uşaqda da görülmə ehtimalı artır. Uşaqlarda bu xəstəlik daha çox olmaqla hər yaşda başlaya bilər.

Alergik rinit zamanı burunda tutulma, burun axması, asqırmalar, burunda qaşıntı müşahidə olunur. Bu xəstələrin 50%-də allergik konyunktivit də görülür ki, bu da gözlərdə qızarma, yaşarma, qaşınma ilə xarakterizə olunur. Bu şikayətlər il boyu davam edə biləcəyi kimi, mövsümi xarakter də daşıya bilər. Siqaret tüstüsü, hava kirliliyi, kəskin qoxular, soyuq hava bu şikayətləri artırır.

Vaxtında müalicə olunmazsa, lazım olan tədbirlər görülməzsə bu prosesə infeksiya qoşula bilər. Bu xəstəlikdə dərinin tamlığı pozulduğu üçün allergik kontakt dermatit əmələ gəlmə ehtim ... Ardını oxu »
Böımə: Uzm. Dr. LALƏ MEHDİ | Baxış Sayı: 3354 | Əlavə edib: DrELM | Tarix: 2017.05.30 | Şərhlər (1)

Hamilə qadınlarda hansı dəri dəyişikliyinin ortaya çıxacağını öncədən bilmək mümkün deyil. Bəzi ana olmağa hazırlaşan qadınlarda dəridə heç bir dəyişiklik olmazkən, digərlərində bir çox dəyişiklik görülə bilər. Aşağıda qeyd olunanlar tez-tez rastlaşan fizioloji dəri dəyişiklikləridir. Bunlardan başqa dəridə qaşıntı və səpgilərlə müşayiət olunan hər hansı dəyişiklik ortaya çıxarsa mütləq dermatoloqa müraciət etmək lazımdır.

1. Fizioloji dəyişikliklərə ilk növbədə piqmentasiya artışı aiddir. Belə ki süd vəzi ucları (areola), aralıq bölgə və qarın divarındakı orta xətt daha tünd şəkil alır. Üzdə melazma dediyimiz maska bənzəri ləkələr əmələ gəlir. Xalların sayında artış ola bilər. Əsmər xanımlarda piqmentasiya artışına daha çox rast gəlinir. Hamiləlikdən sonra bu əlamətlər geriləsə də tam normal hala dönməyə bilər. Hamiləlik ləkələrindən qorunmaq üçün günəşdən mütləq qorunmaq lazımdır.

2. Fərqli dərəcədə dəridə tüklənmə ola bilər. Bu, plasental androgen hormonların təsiri nəticəsində baş verir və hamiləlik bitdikdən sonra bir neçə ay içərisində geriləyir. Hamiləlik boyu saçlarda gurlaşma, parlaq və dolğun görünüş olur. Bu, uzanmış anagen (böyümə) fazaya bağlıdır. Doğuşdan sonra saç tökülməsiə başlayır və bir neçə ay davam edir. Doğuşdan sonra ən gec 1 ilə qədər saçlar bərpa olmursa dermatoloqa müraciət etmək məsləhətdir.

3. Dırnaqlarda kövrəklik, bəzən dırnaq yatağından ayrılma və qalınlaşma görülməsi fiziolojik əlamətdir.

4. H ... Ardını oxu »
Böımə: Uzm. Dr. LALƏ MEHDİ | Baxış Sayı: 2292 | Əlavə edib: DrELM | Tarix: 2017.05.20 | Şərhlər (0)


Uzm. Dr. Lalə Mehdi
Uzman Dermatoloq

Uzm.Dr.Lalə         Mehdi
00:05:15
Copyright Cirtdan.TV ©
2013 - 2024

Hosted by uCoz
Cirtdan.TV PORTALI

Saytda yerləşdirilən online istifadə üçün nəzərdə tutulan bütün materiallar tanışlıq məqsədi ilə qoyularaq Video.Az, Youtube.Com , VK.comFreeOnlineGames(FOG) portallarının, o cümlədən Cirtdan.TV-də yerləşdirilmiş digər materialların rəsmi internet səhifələrinin açıq istifadə üçün nəzərdə tutulmuş resurslarından alınmışdır. Materialların məzmunu,keyfiyyəti və onlara yazılan şərhlərə, istifadəçilərin FOTOVİDEO ARXİVə yüklədiyi şəkil və videolara görə sayt və sayt administrasiyası məsuliyyət daşımır.
Webmaster & Designer: Ilkin Hakhverdiyev