Qadının yaşı hamilə qalma potensialına təsir edən faktorlar içərisində, bəlkə də, ən əhəmiyyətlisidir. Bütün qadınlar həyatları boyu hər aybaşı dövründə yumurtalıqdan kənarlaşdırılan yumurtaları ilə (təxminən 400 min yumurta ilə) doğulur. Yaş artdıqca yumurtaların sayı, yəni yumurtalıq rezervi azalır. Yumurtaların sayının azalması ilə yanaşı keyfiyyətli yumurtaların sayı da azalır. Bəs `keyfiyyətli yumurta` nədir? Normal xromosomlara və sperma ilə birləşdikdən sonra sağlam bölünmə qabiliyyətinə sahib olan yumurta keyfiyyətli yumurta hesab edilir. Keyfiyyətli yumurtalar daha əvvəlcədən seçilib ovulyasiya prosesində iştirak etdiyi üçün qadının yaşı artdıqca xromosom pozğunluğu olan yumurta hüceyrələri, yəni keyfiyyətsiz yumurta hüceyrələrinin sayı artır. Aybaşı müntəzəm olsa da, hamilə qalma şansı azalır, döllənmə baş tutsa da, uşaq salma və ya daun sindromu kimi problemli hamiləlik şansı artır.
Hər aybaşı dövründə hamilə qalma şansı 15 yaşda 40-50% 25 yaşda 30-35% 35 yaşda 15-20% 45 yaşda 3-5% -dir.
Bəs bu dəqiq qanundurmu? Təcrübülərdə bəzən 20 yaşındakı bir qadının yumurtalıq rezervi kifayət qədər olmadığı üçün sonsuz ola bildiyi halda, 40 yaşındakı bir qadında bunun əksi olan yumurtalıq rezervini müşahidə etmək olar. Bunlar təbbi ki, çox nadir rast gəldiyimiz nümunələrdir , lakin bunu da bilirik ki, eyni yaşda 2 qadının hər hansı bir ayda hamilə qalma ehtimalı, yumurtalıq rezervləri, yumurta hüceyrələrinin keyfiyyəti fərqli olur.
Subay və ya evlisiz, lakin hələ uşaq sahibi olmaq istəmirsizsə, bununla yanaşı istədiyiniz zaman arzuolunmaz sürprizlə qarşılaşmaq istəmirsinizsə, hansı hallarda hamilə qalma potensialı ilə bağlı şübhə duymalı və həkimə müraciət etməlisiniz? Bəzi əlamətlər hamilə qalma potensialındakı dəyişkənliyin xəbərçisi ola bilər. Aybaşı tsiklinin müddətinin, aybaşı qanaxmalarının miqdarının azalması-artması ilə üzləşdikdə və ya ailədə erkən menopauza varsa, həkimə müraciət etmək üçün gecikməməli, bəlkə də hamilə qalmaq üçün tələsməlisiniz. Lakin ən ideal yanaşma hər hansı bir əlaməti gözləmədən hər il müntəzəm olaraq həkim müayinəsindən keçmək və yumurtalıq rezervinin yoxlanmasıdır. Mükəmməl hesab edilməsə də aybaşı tsiklinin 2-3-cü günündə FSH (Follikul stimullaşdırıcı hormon) analiz edilməli, USM ilə yumurtalıqdakı yumurtaların sayı yoxlanmalı , aybaşı tsiklindən asılı olmayaraq AMH hormone izlənməlidir.
Bəs kişilərdə vəziyyət necə olur? Kişidəki sperma keyfiyyəti və miqdarı yaşla bərabər dəyişsə də, sperma daim yeniləndiyindən reproduktiv potensiala təsiri və qüsurlu körpənin olma riski qadınlarla müqayisədə daha azdır.
Saytda yerləşdirilən online istifadə üçün nəzərdə tutulan bütün materiallar tanışlıq məqsədi ilə qoyularaq Video.Az, Youtube.Com , VK.com və FreeOnlineGames(FOG) portallarının, o cümlədən Cirtdan.TV-də yerləşdirilmiş digər materialların rəsmi internet səhifələrinin açıq istifadə üçün nəzərdə tutulmuş resurslarından alınmışdır. Materialların məzmunu,keyfiyyəti və onlara yazılan şərhlərə, istifadəçilərin FOTO və VİDEO ARXİVə yüklədiyi şəkil və videolara görə sayt və sayt administrasiyası məsuliyyət daşımır.
